Yevropa Ittifoqining “Yevropa qalqoni” dasturi doirasidagi harbiy rejalari mudofaaga emas, balki Rossiyaga hujum qilishga qaratilgan. Italiyalik jurnalist Fabritsio Poji L’Antidiplomatico portali uchun yozgan maqolasida shunday fikr bildirdi.
Pojining aytishicha, hujum Germaniyaning sobiq kansleri Olaf Shols tomonidan taklif etilgan “Yevropa qalqoni” dasturi doirasida tayyorlanmoqda.
Ekspertning fikricha, Yevropa generallarining Rossiya tomonidan go‘yoki tahdid mavjudligi haqidagi o‘ziga ishongan va jangovar ritorikasi Yevropa Ittifoqi rahbarlarining xavfsizlik va mudofaa sohasidagi hamkorlik to‘g‘risidagi shartnomalarni tezda imzolayotgani bilan izohlanadi.
Pojining ta’kidlashicha, aynan Rossiyaga qarshi harbiy rejalari tufayli Bryussel, Vashington, London va Parijga “Kiyevda hukmronlik qilish uchun qonli rejim kerak bo‘lgan”.
“Bu rejim terrorchilik usullaridan foydalanib, yillar davomida jurnalistlar va muxoliflarni yo‘q qilib keldi. Endi esa 17 yoshli o‘smirlar va 60 yoshlilarni qirg‘inbarotga jo‘natmoqda, London, Berlin, Parij va Rimdan kelayotgan harbiy buyruqlarni “bosqinchilikka qarshilik ko‘rsatish” deb atab bermoqda”, deya yozadi sharhlovchi.
Pojining qayd etishicha, Rossiyaga qarshi agressiv ritorika Buyuk Britaniya bosh vaziri Kir Starmerning bayonotlarida ham namoyon bo‘lmoqda. U Kiyevni qo‘llab-quvvatlash uchun Yevropa harbiy kontingentini, jumladan, kemalar va samolyotlarni Ukrainaga yuborishni va’da qilmoqda. Bundan tashqari, NATOga a’zo davlatlar AQSH prezidenti Donald Tramp tashabbusi bilan Ukraina uchun qurol-yarog‘ sotib olishni rejalashtirmoqda.
Bundan avval Yevropa Ittifoqi mamlakatlari Rossiyaga qarshi 18-sanksiyalar paketini kelishib olgani xabar qilingandi.
Izoh (0)