Gollivud aktyori Tom Kruz “Uddalab bo‘lmas topshiriq” filmining yangi qismlarida suratga tushishda davom etmoqda. U muxlislarga alohida murojaat qildi, “Top Gan: Meverik”ni qo‘llab-quvvatlagani uchun minnatdorchilik bildirdi va samolyotdan sakradi, deb yozadi “Film.ru”.
“Hammaga salom, biz Janubiy Afrikada ‘Uddalab bo‘lmas topshiriq 7 va 8’ filmini suratga olishni yakunladik. Yilni kinoteatrlarda ‘Top Gan: Meverik’ni tomosha qilgan va qo‘llab-quvvatlagan barchaga rahmat aytmasdan yakunlashni xohlamadim. Xursand bo‘lishimga imkon berganingiz uchun yana bir bor rahmat. Balandlik ortib boryapti, men ishga qaytishga majburman. Biz buni suratga olishimiz kerak. Bayramni xavfsiz va baxtli tarzda o‘tkazishingizni tilayman. Kinoda ko‘rishguncha”, — dedi Kruz va samolyotdan sakradi.
“Top Gan: Meverik” 1986-yilgi “Top Gan” filmining davomidir. Film 2022-yil may oyida namoyish etildi va butun dunyo bo‘ylab taxminan 1,5 milliard dollar to‘pladi, qolaversa, bir nechta “Oltin globus” nominatsiyalariga sazovor bo‘ldi. Amerika Qo‘shma Shtatlari Milliy kino sharhlovchilari kengashi ham uni yilning eng yaxshi filmi deb tan oldi.
Mavzuga doir:
Izoh (0)