30 daqiqa kifoya: olma, shokolad hamda murabbo qo‘shib tayyorlanadigan mazali pirog retsepti

Oila a’zolarni mazali shirinliklar bilan xursand qilish uchun oshxonada ko‘p vaqt sarflash shart emas. Olma, shokolad va murabbo qo‘shib tayyorlanadigan pirogni 30 daqiqa ichida tayyorlash mumkin.

Kerakli mahsulotlar:

• tayyor xamir — 250 gramm;
• sutli shokolad — 90 gramm;
• olma — 1 dona;
• murabbo — 2 osh qoshiq;
• sut — 1 osh qoshiq;
• yong‘oq — 20 gramm. 

1. Olma yuvilib, qirg‘ichdan o‘tkaziladi.
2. Tayyor xamirga un sepilib, uzun qilib yoyiladi.
3. Xamir markaziga shokoladni qo‘yib, o‘lcham bo‘yicha xamirning ikki tomoni kesib chiqiladi.
4. So‘ngra shokoladni olib, avval olma, ustidan murabbo va shokolad qo‘yiladi.
5. Xamirning ikki cheti masalliqlar ustidan o‘rib chiqiladi.
6. Xamir yuzasiga sut surtilib, maydalangan yong‘oq sepiladi.
7. Pirog 200 daraja pechda 15-20 daqiqa davomida pishirib olinadi.