Toshkent shahar Mirobod tumanida Nexia beton to‘siqqa borib urildi.
Foto: Toshkent shahar IIBB
2022-yilning 17-avgust kuni taxminan soat 02:40 larda Mirobod tumani, Kichik halqa avtomobil yo‘li ko‘chasida haydovchi 2002-yilda tug‘ilgan S.A. Nexia avtomashinasida harakatlanib, boshqaruvni yo‘qotgan va yo‘lni ajratib turuvchi beton to‘siqqa urilgan.
YTH oqibatida avtomashina haydovchisi tan jarohatlari olib shifoxonaga yotqizilgan, biroq avtomashina yo‘lovchisi 1999-yilda tug‘ilgan E.R. olgan tan jarohatlari bilan shifoxonaga olib borilayotgan vaqtda vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)