Navoiy shahrida 23-dekabr kuni 4 nafar egizak tug‘ildi. “Kun.uz” muxbiri chaqaloqlarning otasi bilan suhbatlashdi.
Qayd etilishicha, chaqaloqlarning 3 nafari qiz, bir nafari o‘gil bo‘lib, ularga Madina, Muslima, Yunus va Yulduz ismlari qo‘yilgan. Chaqaloqlarning ota-onasi Shomurod Farmonov va Rahima Abdurahmonova Karmana tumanining “Talqoq” mahallasida yashaydi. Ular 2020-yilda turmush qurgan.
“Skrining tekshiruv paytida chaqaloqlar 4 nafar ekani ma’lum bo‘lgandi. Ularning 3 nafari qiz va 1 nafari o‘g‘il ekanini o‘shandayoq aniq aytishgandi shifokorlar. Albatta, quvonchimning cheki yo‘q”, — deydi Shomurod Farmonov.
Birinchi bola 1570 gramm, ikkinchi bola 1460 gramm, uchinchi bola 910 gramm, to‘rtinchi bola esa 1280 grammni tashkil etgan. Chaqaloqlarning yaqinlariga tug‘ruqxonaning o‘zida tug‘ilganlik guvohnomalari, bank xodimlari tomonidan suyunchi puli topshirilgan.
Eslatib o‘tamiz, 7-dekabr kuni Samarqand viloyatining Ishtixon tumani Qulchora qishlog‘ida uch egizak o‘g‘il tug‘ilgandi. Ularga Shavkat, Mirziyo, Miromon ismlari qo‘yilgan.
Shuningdek, aprel oyida Navoiyda uch egizak dunyoga kelgan va ularga Shukrona, Shodiyona, Imona ismlari qo‘yilgandi.
Izoh (0)