Turkiyada 61 kishi qalbaki spirtli ichimlikdan zaharlanib vafot etdi

Turkiyada qalbaki spirtli ichimlikdan zaharlanish oqibatida kamida 61 kishi vafot etgan. Bu haqda Habertürk telekanali xabar berdi.

Nashr ma’lumotlarga ko‘ra, so‘nggi ikki haftada respublikaning 17 shahrida qalbaki spirtli ichimlikdan zaharlanish holatlari kuzatilgan. Eng ko‘p qurbonlar Istanbulda qayd etilgan bo‘lib, so‘nggi 10 kun ichida 30 kishi ushbu sabab ortidan vafot etgan.

Turkiya politsiyasi mamlakat shimolida sifatsiz alkogol mahsulotlarini ishlab chiqarish va sotishni tashkil etishda gumon qilingan besh nafar shaxs qo‘lga olingani haqida xabar bergan.

Avvalroq Turkiyada ovqatdan zaharlanish natijasida 730 dan ziyod harbiy xizmatchi kasalxonaga yotqizilgani haqida xabar berilgandi. Shuningdek, Peruda 52 kishi oziq-ovqatdan zaharlangan, ulardan 10 nafari vafot etgan.