Namanganning Kosonsoy tumanida kuchli do‘l yog‘di

Namangan viloyatining Kosonsoy tumanida 13-iyul kuni do‘l yog‘di. Ijtimoiy tarmoqlarda ushbu tabiat hodisasi aks etgan foto va videolar tarqaldi.

Voqea guvohlarining aytishicha, kattaligi toshdek keladigan do‘l kuchli yomg‘ir aralash yog‘gan. Tumanda avval bunday do‘l yog‘ishi kuzatilmagan

Yana bir guvohlarning so‘zlariga ko‘ra, do‘l yerni qordek qopladi, ekinzorlarni vayron qildi, uzumlar xam yerlarga to‘kilib tushdi.

Eslatib o‘tamiz, “O‘zgidromet” shu kuni Farg‘ona vodiysida momaqaldiroq bilan qisqa muddatli yomg‘ir yog‘ishi mumkinligi haqida ogohlantirgandi.