Futbol bo‘yicha Angliya Premyer ligasining 16-turi doirasida 8-dekabr, yakshanba kuni 3 ta o‘yin yakunlandi.
Brendan Rojers qo‘l ostidagi “Lester” klubi “Aston Villa” maydoniga safar qildi.
Bellashuv davomida “tulkilar” vakillari Jeymi Vardi (20, 75), Kelechi Ixeanacho (41) hamda Jonni Evans (49) raqib darvozasini ishg‘ol qilgan bo‘lsa, mezbonlarning goliga yarim himoyachi Jek Grilish (45) mualliflik qildi.
Shu tariqa “Lester” mehmonda kechgan bahsda “Aston Villa”ni yirik 4:1 hisobida mag‘lubiyatga uchratdi va navbatdagi 3 ochkoga ega bo‘ldi.
Qayd etish joiz, “Lester” 38 ochko to‘plagan holda musobaqa jadvalida 2-o‘rinda bormoqda. “Aston Villa” esa 15 ochko bilan 17-pog‘onani egallab turibdi.
APL
16-tur bahslari
8-dekabr, yakshanba
“Aston Villa”—“Lester” 1:4
Gollar: 0:1 — 20 Vardi, 0:2 — 41 Ixeanacho, 1:2 — 45 Grilish, 1:3 — 49 Evans, 1:4 — 75 Vardi“Nyukasl”—“Sauthempton” 2:1
Gollar: 0:1 — 52 Ingz, 1:1 — 68 Shelvi, 2:1 — 87 Fernandes“Norvich”—“Sheffild Yunayted” 1:2
Gollar: 1:0 — 27 Tetti, 1:1 — 49 Stivens, 1:2 — 52 BoldokYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)