Futbol bo‘yicha Yevropa Chempionlar Ligasining 5-turiga 27-noyabr, chorshanba kuni guruhlarda navbatdagi o‘yinlar yakun yasab berdi.
“E” guruhidan o‘rin olgan bahsda Yurgen Klopp qo‘l ostidagi “Liverpul” o‘z maydonida Karlo Anchelotti boshliq “Napoli” klubini qabul qildi.
Uchrashuvning 21-daqiqasida neapolliklar hujumchisi Dris Mertens hisobni ochgan bo‘lsa, 65-daqiqaga kelib “Liverpul” himoyachisi Deyan Lovren hisobni tenglashtirdi.
Shu tariqa o‘yin 1:1 hisobida durang natija bilan yakunlandi va tomonlar bir ochkodan bo‘lishib oldi.
Mazkur turdan so‘ng “Liverpul” 10 ochko jamg‘argan holda guruhda birinchi o‘rinni band qilib turibdi. Undan keyingi o‘rinda borayotgan “Napoli” hisobida esa 9 ochko mavjud.
Shu kuni Ernesto Valverde boshqaruvidagi Kataloniyaning “Barselona” jamoasi “Kamp Nou”da Lyusyen Favr boshchiligidagi Dortmundning “Borussiya” klubi bilan bahsga kirishdi.
Bellashuv davomida “ko‘k-anorranglilar” a’zolari Luis Suares (29), Lionel Messi (33) hamda Antuan Grizmann (67) tomonidan urilgan gollarga “arilar” Jeydon Sancho (77)ning goli bilan javob qaytardi.
Shu tariqa kataloniyaliklar o‘z uyida kechgan bahsda Dortmund klubini 3:1 hisobida mag‘lub etdi va 3 ochkoga ega bo‘ldi.
Ushbu g‘alabadan so‘ng “Barselona” ochkolari sonini 11 taga yetkazdi va “F” guruhida yaqqol peshqadamga aylandi. “Borussiya Dortmund” esa 7 ochko bilan 3-o‘rinda bormoqda.
YChL
“E” guruhi
“Liverpul”—“ Napoli” 1:1
Gollar: 0:1 — 21 Mertens, 1:1 — 65 Lovren“Genk”—“Zalsburg” 1:4
Gollar: 0:1 — 43 Daka, 0:2 — 45 Minamino, 0:3 — Xvan Xi Chxan, 1:3 — 85 Samatta, 1:4 — 87 Xoland“F” guruhi
“Barselona”—“Borussiya D” 3:1
Gollar: 1:0 — 29 Suares, 2:0 — 33 Messi, 3:0 — 67 Grizmann, 3:1 — 77 Sancho“Slaviya P”—“Inter” 1:3
Gollar: 0:1 — 19 Martines, 1:1 — 37, penalti Souchek, 1:2 — 81 Lukaku, 1:3 — 88 Martines“G” guruhi
“Zenit”—“Lion” 2:0
Gollar: 1:0 — 42 Dzyuba, 2:0 — 84 Ozdoyev“Leypsig”—“Benfika” 2 :2
Gollar: 0:1 — 20 Pitssi, 0:2 — 59 Vinisius, 1:2 — 90, penalti Forsberg, 2:2 — 90 Forsberg“H” guruhi
“Valensiya”—“Chelsi” 2:2
Gollar: 1:0 — 40 Soler, 1:1 — 41 Kovachich, 1:2 — Pulishich, 2:2 — 82 Vass“Lill”—“Ayaks” 0:2
Gollar: 0:1 — 2 Ziyosh, 0:2 — 59 PromesYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)