Futbol bo‘yicha Yevropa Chempionlar Ligasining 5-tur bahslariga 26-noyabr, seshanba kuni start berildi.
“A” guruhidan o‘rin olgan o‘yinda Zinedin Zidan qo‘l ostidagi Madridning “Real” klubi “Santyago Bernabeu”da Tomas Tuxel boshliq Parijning PSJ klubini qabul qildi.
Uchrashuvning 17 va 79-daqiqalarida “Qirollik klubi” hujumchisi Karim Benzema Keylor Navas darvozasini ikki bor ishg‘ol qilgan bo‘lsa, 81-daqiqaga kelib Parij klubi yetakchilaridan biri Kilian Mbappe hisobni qisqartirdi (2:1). Oradan 2 daqiqa o‘tib ispaniyalik Pablo Sarabiya hisobni tenglashtirdi va PSJni mag‘lubiyatdan qutqarib qoldi (2:2).
Ta’kidlash joiz, uchrashuvning 69-daqiqasida Eden Azar jarohat oldi va uning o‘rniga Garet Beyl zaxiradan maydonga tushdi.
Ushbu turdan so‘ng PSJ 13 ochko jamg‘arib, guruhda 1-o‘rini egallab turibdi. “Real” esa 8 ochko bilan 2-o‘rinda bormoqda.
“D” guruhida esa Krishtianu Ronaldu yetakchiligidagi Turinning “Yuventus” klubi o‘z maydonida Diyego Simeone boshliq Madridning “Atletiko”si bilan bahsga kirishdi.
Uchrashuvdagi yagona gol 45+2-daqiqada urildi. Unga “keksa sinyora” hujumchisi Paulo Dibala mualliflik qildi.
Shu tariqa turinliklar “matraschilar”ni kichik hisobda mag‘lub etdi va 3 ochkoga ega bo‘ldi (1:0).
Mazkur g‘alabadan so‘ng “Yuventus” ochkolari sonini 13 taga yetkazdi va “D” guruhida yaqqol peshqadamga aylandi. Ikkinchi o‘rindagi U“Atletiko” hisobida esa 7 ochko mavjud.
YChL
5-tur bahslari
26-noyabr, seshanba
“A” guruhi
“Galatasaroy”—“Bryugge” 1:1
Gollar: 1:0 — 11 Byuyuk, 1:1 — 90 Diatta“Real”—PSJ 2:2
Gollar: 1:0 — 17 Benzema, 2:0 — 79 Benzema, 2:1 — 81 Mbappe, 2:2 — 83 Sarabiya“B” guruhi
“Tottenhem”—“Olimpiakos” 4:2
Gollar: 0:1 — 6 Al-Arabi, 0:2 — 19 Ruben Semedu, 1:2 — 45 Alli, 2:2 — 50 Keyn, 3:2 — 73 Orye, 4:2 — 77 Keyn“Srvena Zvezda”—“Bavariya” 0:6
Gollar: 0:1 — 14 Goretska, 0:2 — 53, penalti Levandovski, 0:3 — 60 Levandovski, 0:4 — 64 Levandovski, 0:5 — 67 Levandovski, 0:6 — 89 Tolisso“C” guruhi
“Atalanta”—“Dinamo Zagreb” 2:0
Gollar: 1:0 — 27, penalti Muriel, 2:0 — 47 Gomes“Manchester Siti”—“Shaxtyor D” 1:1
Gollar: 1:0 — 56 Gundo‘g‘on, 1:1 — 69 Solomon“D” guruhi
“Lokomotiv M”—“Bayer” 0:2
Gollar: 0:1 — 11, avtogol Jemaletdinov, 0:2 — 54 Bender“Yuventus”—“Atletiko” 1:0
Gol: 1:0 — 45 DibalaYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)