Futbol bo‘yicha Angliya Premyer ligasining 13-turi doirasida 23-noyabr, shanba kuni 6 ta bahs nihoyasiga yetdi.
Unai Emeri qo‘l ostidagi Londonning “Arsenal” klubi “Emireyts”da “Sauthempton”ni qabul qildi.
Bellashuv davomida mehmon jamoa vakillari Denni Ingz (8) va Jeyms Uord-Prouz (71) bittadan golga mualliflik qilgan bo‘lsa, “to‘pchilar”dan Aleksandr Lyakazett (18, 90) dublga erishdi.
Shu tariqa “Arsenal” o‘z maydonida “Sauthempton” bilan 2:2 hisobida durang o‘ynadi va tomonlar bir ochkodan bo‘lishib oldi.
Ma’lumot uchun, “Arsenal” 18 ochko to‘plagan holda musobaqa jadvalida 7-o‘rinni egallab turibdi. “Sauthempton” esa 9 ochko bilan 19-o‘rinda bormoqda.
Shu kuni Yurgen Klopp boshqaruvidagi “Liverpul” esa “Kristal Pelas” mehmoni bo‘ldi.
O‘yinning 49-daqiqasida “Liverpul” hujumchisi Sadio Mane raqib darvozasini ishg‘ol qilgan bo‘lsa, 82-daqiqaga kelib mezbon jamoa yarim himoyachisi Uilfrid Zaa hisobni tenglashtirdi (1:1). 90-daqiqada esa braziliyalik Roberto Firmino “qizillar”ning g‘alaba goliga mualliflik qildi (2:1).
Qayd etish joiz, “Liverpul” 37 ochko jamg‘arib, musobaqa jadvalida yaqqol peshqadamlik qilmoqda. “Kristal Pelas” esa 15 ochko yig‘ib 13-pog‘onani egallab turibdi.
APL
13-tur bahsi
23-noyabr, shanba
“Arsenal”—“Sauthempton” 2:2
Gollar: 0:1 — 8 Ingz, 1:1 — 18 Lyakazett, 1:2 — 71 Uord-Prouz, 2:2 — 90 Lyakazett“Bornmut”—“Vulverhempton” 1:2
Gollar: 0:1 — 21 Moutinyu, 0:2 — 31 Ximenes, 1:2 — 59 Kuk“Brayton”—“Lester” 0:2
Gollar: 0:1 — 64 Peres, 0:2 — 82, penalti Vardi“Kristal Pelas”—“Liverpul” 1:2
Gollar: 0:1 — 49 Mane, 1:1 — 82 Zaa, 1:2 — 85 Firmino“Everton”—“Norvich” 0:2
Gollar: 0:1 — 54 Kentuell, 0:2 — 90 Srbeni“Uotford”—“Byornli” 0:3
Gollar: 0:1 — 53 Vud, 0:2 — 82, penalti Barns, 0:3 — 88 TarkovskiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)