Paxta yetishtirish bo‘yicha mavsumdagi kontraktatsiya shartnomalarini ortig‘i bilan bajargan Ellikqal’a tumanidagi “Ro‘zimboy bobo” fermer xo‘jaligi rahbari Telman Sultonovga Bo‘ston Cluster mas’uliyati cheklangan jamiyati tomonidan Tracker avtomobili sovg‘a qilindi, deb xabar bermoqda O‘zA.
Fermer xo‘jaligi belgilangan 212 tonna o‘rniga 280 tonna paxta yetishtirgan. Shu munosabat bilan tashkil etilgan tadbirda tuman hokimi S.Avazov, hududdagi fermer xo‘jaligi rahbarlari va terimchilar ishtirok etdi.
Paxtani yig‘ib-terib olishda mehnat qilayotgan hasharchi va ishchilar tuman hokimligi tomonidan ham qimmatbaho esdalik sovg‘alari bilan taqdirlandi. Hasharchilarga dasturxon yozilib, bir piyola choy ustida suhbat qurildi.
“Joriy yilda paxtachilikka ixtisoslashgan 223 ta fermer xo‘jaligi Bo‘ston Cluster mas’uliyati cheklangan jamiyati bilan shartnoma tuzib, bugungi kunga kelib 60 dan ziyod fermer xo‘jaligi shartnomaviy rejasini bajardi. Ulardan “Qirqqizobod” ovul fuqarolari yig‘ini hududidagi “Elim tolasi”, “Ro‘zimboy bobo”, “Guldursin” ovul fuqarolari yig‘ini hududidagi “Guldursin parvozi” fermer xo‘jaliklari yuqori natijalarga erishib, boshqalarga o‘rnak bo‘lmoqda”, — deydi Ellikqal’a tumani hokimi o‘rinbosari D.Qobulov.
Izoh (0)