Futbol bo‘yicha Yevropa Chempionlar Ligasining 2-turi doirasida 2-oktabr, chorshanba kuni guruhlarda bir qancha uchrashuvlar bo‘lib o‘tdi.
“E” guruhidan o‘rin olgan bahsda Yurgen Klopp qo‘l ostidagi “Liverpul” o‘z maydonida Avstriyaning “Zalsburg” jamoasini sinovdan o‘tkazdi.
Bellashuv davomida “qizillar” vakillari Sadio Mane (9), Endryu Robertson (25) hamda Muhammad Saloh (36, 69) raqib darvozasini ishg‘ol qilgan bo‘lsa, mehmonlardan Xvan Xi Chxan (39), Takumi Minamino (56) va Erling Holand (60) bittadan golga mualliflik qildi.
Shu tariqa “Liverpul” o‘z uyida kechgan bahsda “Zalsburg”ni 4:3 hisobida mag‘lub etdi va 3 ochkoga ega bo‘ldi.
Mazkur g‘alabadan so‘ng Klopp jamoasi ochkolari sonini 3 taga yetkazib oldi va guruh jadvalida 2-o‘ringa ko‘tarilib oldi. “Zalsburg” esa xuddi shuncha ochko bilan 3-o‘rinda bormoqda.
Shu kuni turning markaziy bellashuvlaridan birida Ernesto Valverde boshqaruvidagi Kataloniyaning “Barselona” klubi “Kamp Nou”da Antonio Konte boshliq Milanning “Inter” jamoasi bilan bahsga kirishdi.
O‘yinning 3-daqiqasidayoq Milan klubi hujumchisi Lautaro Martines Aleksis Sanches uzatmasini golga aylantirdi (1:0). 58 va 84-daqiqalarda esa “ko‘k-anorranglilar” a’zosi Luis Suares 2 bor “neradzurrilar” darvozasiga gol urdi (2:1).
Natijada kataloniyaliklar o‘z uyida “Inter”ni kichik 2:1 hisobida mag‘lubiyatga uchratdi va muhim 3 ochkoni qo‘lga kiritdi.
Qayd etish joiz, “Barselona” 4 ochko jamg‘argan holda “F” guruhida 2-o‘rinni band qilib turibdi. “Inter” esa 1 ochko bilan so‘nggi o‘rinni egallab turibdi.
“H” guruhida esa Frenk Lempard boshchiligidagi Londonning “Chelsi” klubi safarda “Lill”ga qarshi maydonga tushdi.
Uchrashuvning 22-daqiqasida “aristokratlar” hujumchisi Temmi Abraham Fikayo Tomori uzatgan to‘pni raqib darvozasiga joylab qo‘ygan bo‘lsa, 33-daqiqaga kelib “Lill” vakili Viktor Osimxen hisobni tenglashtirdi (1:1). 78-daqiqada esa braziliyalik Villian jamoasini hisobda oldinga olib chiqdi.
Shu tariqa o‘yin 2:1 hisobida londonliklar foydasiga yakunlandi.
Ma’lumot uchun, “Chelsi” 3 ochko to‘plab “H” guruhida 3-o‘rinda bormoqda. Oxirgi o‘rinni egallab turgan “Lill” esa birorta ham ochko yig‘a olmadi.
YChL
2-tur bahslari
2-oktabr, chorshanba
“E” guruhi
“Genk”—“Napoli” 0:0
“Liverpul”—“Zalsburg” 4:3
Gollar: 1:0 — 9 Mane, 2:0 — 25 Robertson, 3:0 — 36 Saloh, 3:1 — 39 Xvan Xi Chxan, 3:2 — 56 Minamino, 3:3 — 60 Holand, 4:3 — 69 Saloh“F” guruhi
“Slaviya Praga”—“Borussiya D” 0:2
Gollar: 0:1 — 35 Hakimi, 0:2 — 89 Hakimi“Barselona”—“Inter” 2:1
Gollar: 0:1 — 2 Martines, 1:1 — 58 Suares, 2:1 — 84 Suares“G” guruhi
“Zenit”—“Benfika” 3:1
Gollar: 1:0 — 21 Dzyuba, 2:0 — 70, avtogol Ruben Diash, 3:0 — 78 Azmun, 3:1 — 85 de Tomas“Leypsig”—“Lion” 0:2
Gollar: 0:1 — 11 Depay, 0:2 — 65 Terye“H” guruhi
“Lill”—“Chelsi” 1:2
Gollar: 0:1 — 22 Abraham, 1:1 — 33 Osimxen, 1:2 — 77 Villian“Valensiya”—“Ayaks” 0:3
Gollar: 0:1 — 8 Ziyosh, 0:2 — 34 Promes, 0:3 — 67 van de BekYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)