14-sentabr, shanba kuni futbol bo‘yicha Germaniya Bundesligasining 4-turi doirasida 6 ta o‘yin bo‘lib o‘tdi.
Lyusyen Favr boshqaruvidagi Dortmundning “Borussiya” klubi o‘z maydonida “Bayer”ni sinovdan o‘tkazdi.
Uchrashuv davomida “arilar” yarim himoyachisi Marko Roys (50, 90) dublga erishgan bo‘lsa, Pako Alkaser (28) hamda Rafael Gerreyru (83) o‘z nomiga bittadan gol yozdirib qo‘ydi.
Natijada “Borussiya Dortmund” “Bayer”ni yirik 4:0 hisobida mag‘lubiyatga uchratdi.
Ushbu g‘alabadan so‘ng dortmundliklarning ochkosi 9 taga yetdi va jamoa musobaqa jadvalida 2-o‘rinni egallab turibdi. 6-o‘rinda borayotgan “Bayer” hisobida esa 7 ochko mavjud.
Shu kuni Niko Kovach boshliq Myunxenning “Bavariya” klubi safarda “Leypsig” bilan bahsga kirishdi.
To‘qnashuvning 3-daqiqasidayoq “qizillar” hujumchisi Robert Levandovski hisobni ochgan bo‘lsa, 45-daqiqaga kelib mezbon jamoa yarim himoyachisi Emil Forsberg penaltidan unumli foydalanib, hisobni tenglashtirdi (1:1).
Shu tariqa “Bavariya” mehmonda “Leypsig” bilan durang natija qayd etdi.
Ma’lumot uchun, Myunxen klubi 8 ochko jamg‘argan holda musobaqa jadvalida 3-o‘rinni band qilib turibdi. “Leypsig” esa 10 ochko bilan yetakchiga aylandi.
Bundesliga
4-tur bahslari
13-sentabr, juma
“Fortuna D”—“Volfsburg” 1:1
Gollar: 1:0 — 16 Gisselmann, 1:1 — 29 Vegorst14-sentabr, shanba
“Borussiya D”—“Bayer” 4:0
Gollar: 1:0 — 28 Pako Alkaser, 2:0 — 50 Roys, 3:0 — 83 Gerreyru, 4:0 — 90 Roys“Mayns”—“Herta” 2:1
Gollar: 1:0 — 40 Kvayson, 1:1 — 83 Gruyich, 2:1 — 88 Sen-Jyust“Augsburg”—“Ayntraxt F” 2:1
Gollar: 1:0 — 35 Rixter, 2:0 — 43 Niderlexner, 2:1 — 73 Pasiyensiya“Kyoln”—“Borussiya M” 0:1
Gol: 0:1 — 14 Plea“Union Berlin”—“Verder” 1:2
Gollar: 0:1— 5, penalti Klassen, 1:1 — 14, penalti Andersson, 1:2 — 55 Fyullkrug“Leypsig”—“Bavariya” 1:1
Gollar: 0:1 — 3 Levandovski, 1:1 — 45, penalti ForsbergYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)