1-sentabr, yakshanba kuni futbol bo‘yicha Italiya A Seriyasining 2-turi doirasida 7 ta o‘yin bo‘lib o‘tdi.
Kunning dastlabki o‘yinida Rimning “Latsio” hamda “Roma” klublari o‘zaro to‘qnash keldi.
O‘yinning 17-daqiqasida “Roma” himoyachisi Aleksandar Kolarov penaltidan raqib darvozasini aniq nishonga olgan bo‘lsa, 58-daqiqaga kelib mezbon jamoaning ispaniyalik yarim himoyachisi Luis Alberto hisobni tenglashtirdi.
Shu tariqa o‘yin 1:1 hisobida yakuniga yetdi va tomonlar bir ochkodan bo‘lishib oldi.
Mazkur bahsdan so‘ng “Latsio” 4 ochko to‘plagan holda musobaqa jadvalida 4-pog‘onada borayotgan bo‘lsa, “Roma” 2 ochko bilan 15-o‘rinni band qilib turibdi.
Antonio Konte boshchiligidagi Milanning “Inter” klubi “Kalyari” mehmoni bo‘ldi.
Uchrashuvning 27-daqiqasida Milan klubi hujumchisi Lautaro Martines hisobni ochgan bo‘lsa, 50-daqiqaga kelib mezbonlar yarim himoyachisi Joao Pedro Galvao hisobni tenglashtirdi (1:1). 72-daqiqada esa “Kalyari” darvozasi tomon penalti belgilandi. Undan belgiyalik hujumchi Romelu Lukaku unumli foydalandi (2:1).
Shu tariqa Konte jamoasi mehmonda kechgan bahsda “Kalyari” ustidan kichik hisobda ustun keldi va muhim 3 ochkoni qo‘lga kiritdi.
Ushbu g‘alabadan so‘ng “Inter” ochkolari sonini 6 taga yetkazib oldi va musobaqa peshqadamiga aylandi.
2-tur yakuniga ko‘ra, musobaqa jadvalidagi holat:
A Seriya
2-tur bahslari
1-sentabr, yakshanba
“Latsio”—“Roma” 1:1
Gollar: 0:1 — 17, penalti Kolarov, 1:1 — 58 Luis Alberto“Atalanta”—“Torino” 2:3
Gollar: 0:1 — 24 Bonifatsi, 1:1 — 38 Sapata, 2:1 — 54 Sapata, 2:2 — 57 Berenger, 2:3 — 66 Itsso“Kalyari”—“Inter” 1:2
Gollar: 0:1 — 27 Martines, 1:1 — 50 Joao Pedro, 1:2 — 72, penalti Lukaku“Jenoa”—“Fiorentina” 2:1
Gollar: 1:0 — 11 Sapata, 2:0 — 65 Kuame, 2:1 — 76, penalti Pulgar“Lechche”—“Verona” 0:1
Gol: 0:1 — 81 Pessina“Sassuolo”—“Sampdoriya” 4:1
Gollar: 1:0 — 29 Berardi, 2:0 — 36 Berardi, 3:0 — 43 Berardi, 4:0 — 47 Traore, 4:1 — 67, penalti Kualyarella“Udineze”—“Parma” 1:3
Gollar: 1:0 — 17 Lazanya, 1:1 — 43 Jervinyo, 1:2 — 59 Galyolo, 1:3 — 75 InglezeYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)