Beshinchi bor o‘tkazilayotgan xalqaro armiya o‘yinlarining “Tank biatloni” yo‘nalishi bo‘yicha ilk bor ishtirok etayotgan o‘zbekistonlik harbiy xizmatchilar o‘zlariga biriktirilgan T-72 B-3 tanklarida jangovar rostlash amaliyotini bajardi.
Mudofaa vazirligi matbuot xizmatining ma’lum qilishicha, o‘zbekistonlik harbiylar ushbu musobaqaning ikkinchi guruhidan joy olgan bo‘lib, jami 12 jamoaga qarshi kurashadi.
O‘zbekistonlik harbiylar Moskva viloyatida joylashgan “Alabino” dala-o‘quv maydonida o‘zlariga biriktirilgan tanklarni sinovdan o‘tkazgan, ularni me’yoriy holatga keltirish va nishonlarni yo‘q qilish borasida o‘z mahoratlarini ko‘rsatgan.
Eslatib o‘tamiz, musobaqaning tantanali ochilish marosimi 3-avgust kuniga belgilangan bo‘lib, o‘zbekistonlik harbiylar ishtirokidagi bahslar 4, 6, va 8-avgust kunlari bo‘lib o‘tadi.
Izoh (0)