Ayni kunlarda Tailand poytaxti Bangkok shahrida dunyoning bir qancha davlatlaridan tashrif buyurgan nufuzli ipakchilik delegatsiyalari ishtirokida xalqaro “Tailand ipagi” xalqaro ko‘rgazmasi bo‘lib o‘tmoqda. Bu haqda “O‘zbekipaksanoat” uyushmasi matbuot xizmati “Daryo”ga xabar berdi.
Ushbu ko‘rgazmada “O‘zbekipaksanoat” uyushmasi delegatsiyasi Xorazm viloyati hududiy “Agropilla” MChJ rahbari Rashid Abdullayev boshchiligida o‘zbek ipak mahsulotlari bilan ishtirok etmoqda.
E’tiborli jihati, muhtasham ko‘rgazma zalining o‘zbekistonlik ipakchilar uchun ajratilgan mo‘jazgina stendida namoyish etilgan ipak matolariga bir qator nufuzli delegatlarning qiziqishi yuqori bo‘ldi. O‘zbekistonda tayyorlangan ipak matolari sifati va bejirimliligiga Tailand qirolichasi Sirikat Chulalongkornning shaxsan o‘zi kelib yuqori baho berdi.
“Umid qilamizki, “O‘zbekipaksanoat” uyushmasining ushbu ko‘rgazmadagi ishtiroki sabab o‘zbek ipak mahsulotlari eksporti geografiyasi yanada kengayadi”, — deyiladi xabarda.
Izoh (0)