O‘zbekiston 2019-yilda gaz eksporti hajmini o‘tgan yilga nisbatan 15 foizga oshirishi to‘g‘risida “O‘zbekneftgaz” AJ ma’lum qildi. Bu haqda Sputnik xabar qilmoqda.

Foto: Sputnik

“Bu yil bizning 15 milliard kub gaz hajmini eksport qilishga shartnomamiz bor”,— dedi “O‘zbekneftgaz” AJ boshqaruvi raisi Bahodir Sidiqov.

Uning so‘zlariga ko‘ra, 2018-yil 13 milliard kub metr o‘zbek gazi eksport qilingan. Shunday qilib, gaz yetkazib berish 15 foizga oshadi.

Sidiqovning aytishicha, Xitoyga gaz yetkazib berish hajmi qariyb 10 milliard kub metrni, Rossiyaga — 4 milliard kub metrni tashkil etadi, qolgan qismi esa qo‘shni Markaziy Osiyo mamlakatlariga to‘g‘ri keladi.

“Resurslar mavjud bo‘lsa, yetkazib berishni oshirish bo‘yicha hamkorlarimiz bilan suhbatlashish imkoniga egamiz”, — deya qo‘shimcha qildi u.