Gretsiyaning Xalkidiki ma’muriy hududida sodir bo‘lgan kuchli shamol, yog‘ingarchilik va do‘l oqibatida olti kishi halok bo‘ldi, yana o‘nlab insonlar jarohat oldi, deb xabar beradi “Korrespondent.net”.

Foto: EPA

Mahalliy politsiyaning ma’lumotlariga ko‘ra, halok bo‘lganlar orasida Chexiya, Ruminiya va Rossiyadan kelgan turistlar bor.

Kuchli shamol katta yoshli chexiyalik juftlikning treylerini uchirib yuborgach halok bo‘lgan, 8 yoshli bolasi bo‘lgan ayol esa Nea-Plagiya shaharchasida restoran tomining qulab tushishi oqibatida vafot etgan. Ikkisi ham Ruminiya fuqarosi bo‘lgan.

Halok bo‘lganlarning ikki nafari rossiyalik ekanligi aytilmoqda — ota-o‘g‘il Nea-Potideya shaharchasida joylashgan mehmonxona yaqinidagi daraxtning qulashi oqibatida vafot etgan.

Shuningdek 70 nafarga yaqin odam jarohat olgan bo‘lib, ularga shifoxonada yordam ko‘rsatilmoqda.