Professional boksning super o‘rta (-76,2 kg) vazn toifasi vakili o‘zbekistonilk bokschi Bektemir Meliqo‘ziyev (1 ta g‘alaba, 1 ta nokaut) avgust oyida o‘zining professional boksdagi ikkinchi jangini o‘tkazadi. Bu haqda GoSport xabar berdi.
Ma’lumotlarga ko‘ra, Meliqo‘ziyev 30-avgust kuni Kaliforniya shtatining Pasadena shahrida bo‘lib o‘tadigan boks kechasida ringga ko‘tariladi. Hozircha unga kim raqiblik qilishi ma’lum emas. Jang olti raunddan iborat bo‘lishi rejalashtirilgan.
Eslatib o‘tamiz, Meliqo‘ziyev 13-iyun kuni Hollivudda bo‘lib o‘tgan boks kechasida prof-boksdagi debyut jangini o‘tkazgan va unda argentinalik Martin Fidel Riosga (23 ta g‘alaba, 20 ta mag‘lubiyat, 4 ta durang, 13 ta nokaut) qarshi jangda raqibini birinchi raundda nokaut evaziga mag‘lubiyatga uchratgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)