Futbol bo‘yicha Afrika Millatlar Kubogining guruhlarida 27-iyun, payshanba kuni 2-turi doirasida 3 ta bellashuv yakuniga yetdi.
Kunning dastlabki o‘yinida “B” guruhida Madagaskar terma jamoasi Burundi termasi bilan bahsga kirishdi.
Uchrashuvning 76-daqiqasida madagaskarlik yarim himoyachi Marko Ilaymaxaritra raqib darvozasini ishg‘ol qildi (1:0).
Shu tariqa Madagaskar Burundini kichik hisobda mag‘lub etib, muhim 3 ochkoga ega bo‘ldi.
Mazkur g‘alabadan so‘ng Madagaskar ochkolari sonini 4 taga yetkazib oldi va guruhda 2-o‘ringa ko‘tarildi. So‘nggi o‘rinda borayotgan Burundida esa ochko mavjud emas.
Shu kuni “C” guruhida Jazoir terma jamoasi Sadio Mane yetakchiligidagi Senegal termasiga qarshi maydonga tushdi.
Bellashuvdagi yagona golga 49-daqiqada jazoirlik hujumchi Yusuf Belaili mualliflik qildi (1:0).
Shunday qilib Jazoir musobaqaning 2-turida Senegaldan ustun keldi va navbatdagi 3 ochkoni qo‘lga kiritdi.
Keniya termasi Tanzaniya bilan bellashdi.
O‘yin davomida Keniya terma jamoasi vakillari Maykl Olunga (39, 80) hamda Joanna Omolo (62) gol urgan bo‘lsa, tanzaniyaliklardan Saymon Msuva (6) va Mbvana Samatta (40) bittadan golga mualliflik qildi (3:2).
Uchrashuv yakuniga ko‘ra Keniya terma jamoasi Tanzaniyani 3:2 hisobida mag‘lubiyatga uchratdi.
Mazkur g‘alabadan so‘ng Keniya 3 ochko to‘plab, guruh jadvalida 3-o‘rinni egallab turibdi. Tanzaniya esa ochko yig‘a olmadi va jamoa guruhda oxirgi o‘rinda bormoqda. “C” guruhida Jazoir termasi 6 ochko bilan yetakchilik qilmoqda. 2-pog‘onada esa Senegal bormoqda. Uning hisobida 3 ochko mavjud.
Afrika Millatlar Kubogi
2-tur bahslari
27-iyun, payshanba
“B” guruhi
Madagaskar—Burundi 1:0
Gol: 1:0 — 76 Ilaymaxaritra“C” guruhi
Sengal—Jazoir 0:1
Gol: 0:1 — 49 BelailiKeniya—Tanzaniya 3:2
Gollar: 0:1 — 6 Msuva, 1:1 — 39 Olunga, 1:2 — 40 Samatta, 2:2 — 62 Omolo, 3:2 — 80 OlungaYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)