“Real” yarim himoyachisi Xames Rodrigesga bir nechta grand klublar qiziqish bildirmoqda.
La Gazzetta dello Sport’ning ma’lum qilishicha, ular orasida “Napoli” hamda “Yuventus”dan tashqari “Manchester Yunayted” jamoasi ham bor.
Ingliz jamoasi kolumbiyalik transferi borasida muzokaralarni boshlab yuborgan neapolliklar bilan raqobatlashmoqchi. “Qizil iblislar” bu borada madridliklarga taklif bilan chiqqan.
Eslatib o‘tamiz, Xames 2 yil mobaynida “Bavariya”da ijara asosida to‘p surdi. Biroq Myunxen klubi uni shartnoma bandida ko‘rsatilgandek 42 million yevroga sotib olishdan bosh tortdi.
Ayni damda “Real” futbolchini 55 millionga baholamoqda.
Ma’lumot uchun, Xames Rodriges 2018/19-yilgi mavsum Bundesligada 20 ta uchrashuvda maydonga tushib, 7 ta gol urdi va 4 ta golli pas berishga muvaffaq bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)