8-may, chorshanba kuni futbol bo‘yicha Yevropa Chempionlar Ligasi yarim finalining javob o‘yinida “Tottenhem” safarda “Ayaks”ni mag‘lub etdi (3:2, dastlabki o‘yin – 0:1).
London klubi tarixda birinchi marta Chempionlar Ligasi/Kubogi final yo‘llanmasini qo‘lga kiritdi.
“Tottenhem” tarixda 4-marta Yevrokuboklarda g‘olibi bo‘lishi mumkin. Klub 2 marotaba UEFA Kubogini qo‘lga kiritgan bo‘lsa (1972, 1984), 1963-yilda Kubok egalari kubogida g‘olib bo‘lgandi.
Ma’lumot uchun, “Tottenhem” finalda “Liverpul”ga qarshi maydonga tushadi. Uchrashuv 1-iyun kuni Madridning “Vanda Metropolitano” stadionida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)