12-aprel, juma kuni futbol bo‘yicha O‘zbekiston Superligasining 4-tur bahslariga start beriladi.
Kunning dastlabki o‘yinida Bekobodning “Metallurg” klubi o‘z maydonida Navoiyning “Qizilqum” jamoasi bilan bahs boylaydi. Uchrashuv Toshkent vaqti bilan soat 18:15 da boshlanadi. Eslatib o‘tamiz, oxirgi turda “Metallurg” Samarqandning “Dinamo” klubiga 1:2 hisobida imkoniyatni boy bergandi. “Qizilqum” esa “Buxoro” bilan durang o‘ynagandi (1:1).
Shu kuni Ro‘ziqul Berdiyev qo‘l ostidagi Qarshining “Nasaf” klubi Namanganning “Navbahor” jamoasiga qarshi maydonga tushadi. Bellashuv soat 19:15 da start oladi. Ma’lumot uchun, qarshiliklar 3-turda “Paxtakor”ga mag‘lub bo‘lgan bo‘lsa (1:2), “Navbahor” Toshkentning boshqa bir jamoasi “Bunyodkor”ga yutqazgandi (2:3).
Superliga
4-tur bahslari
12-aprel, juma
“Metallurg”—“Qizilqum” 18:15
“Nasaf”—“Navbahor” 19:15
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)