Qashqadaryo viloyatida 39 bosh qo‘y o‘g‘irlagan shaxslar qo‘lga olindi

Shu yilning 8-aprel kuni Qashqadaryo viloyatining Koson tumanida yashovchi F.R. IIBga murojaat qilib, shu yil 7-aprelga o‘tar kechasi noma’lum shaxslar Navro‘z mahallasi hududidagi “Umidov Yunus” dehqon xo‘jaligiga qarashli dala maydonida joylashgan qo‘yxonadan unga tegishli 39 bosh qo‘ylari o‘g‘irlab ketilganligi haqida ma’lum qilgan, deb O‘zbekiston Respublikasi IIV Jamoatchilik va OAV bilan aloqalar boshqarmasi xabar beradi.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Koson tumani Lolazor mahallasida yashovchi M.A., M.U. va Arabxona mahallasida yashovchi S.U.lar sodir etganligi aniqlangan, va ular hibsga olingan. Tergov davom etmoqda.