31-mart, yakshanba kuni Ispaniya chempionatining 29-turida “Real” “Ueska” ustidan 3:2 hisobida g‘alaba qozondi.
Karim Benzema uchrashuvning 89-daqiqasida jamoasining g‘alaba golini urdi.
Natijada fransiyalik futbolchi La Ligadagi barcha jamoalar darvozasini ishg‘ol qilishga muvaffaq bo‘ldi. Benzema 34 ta klub darvozasiga umumiy hisobda 141 ta gol urdi.
Eslatib o‘tamiz, Karim Benzema joriy mavsum Ispaniya chempionatida 29 ta o‘yinda maydonga tushib, 14 ta gol urdi va 6 ta golga assistentlik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)