Joriy yilning 22—23-mart kunlari Rossiya poytaxtida sambo bo‘yicha jahon kubogi bo‘lib o‘tadi. Ushbu musobaqada O‘zbekiston milliy terma jamoasi ham ishtirok etadi. Bu haqda Jismoniy tarbiya va sport vazirligi xabar berdi.

Foto: Jismoniy tarbiya va sport vazirligi matbuot xizmati

Mazkur musobaqada Armaniston, Belarus, Vengriya, Venesuela, Germaniya, Irlandiya, Ispaniya, Italiya, Kipr, Kuba, Kamerun, Qozog‘iston, Koreya, Moldova, Marokash, Niderlandiya, Rossiya, Ukraina, Filippin, Yaponiya kabi jami 21 davlatdan 250 sportchi ishtirok etishi kutilmoqda.

Erkaklar (52, 57, 62, 68, 74, 84, 90, 100 va +100 kg) va ayollar o‘rtasida (48, 52, 56, 56, 60, 64, 68, 72, 80 va +80 kg), shuningdek, jangovar sambo (52 gacha, 57, 62, 68, 74, 84, 90, 100 va +100 kg vazn toifalarida) bo‘yicha o‘tadigan bellashuvlarda bir necha bor jahon va Yevropa chempionligini qo‘lga kiritgan sportchilar ishtirok etadi.

Jahon kubogida Roman Shakirov murabbiyligida quyidagi 9 nafar o‘zbekistonlik sportchi ishtirok etadi.

Erkaklar:

  • Davlatjon Hamroyev (- 62 kg)
  • Timur Xudoyqulov (- 68 kg)
  • Abbos Jalolov (- 74 kg)
  • Ne’mat Yoqubov (- 90 kg)

Ayollar:

  • Zuxraxon Ma’murjonova (-52 kg)
  • Zarnigor O‘rmonova (-60 kg)

Jangovar sambo:

  • Istam Qudratov (- 74 kg)
  • Bekzod Nurmatov (- 82 kg)
  • Hakimjon Ismoilov (+100 kg)

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!