Andijon viloyatining Shahrixon tumanidagi “Qashqar diyori” fermer xo‘jaligi dala maydonlariga ekilgan chigit unib chiqdi. Bu haqda “Daryo” muxbiri xabar bermoqda.

Foto: Rustambek Arabboyev

Xo‘jalik rahbari Toymirza Yusupovning ma’lum qilishicha, umumiy yer maydonining 58 gektariga chigitning “Andijon-35” navini ekish ishlari 27-fevral kuni nihoyasiga yetgan.

Foto: Rustambek Arabboyev

Shu o‘rinda ta’kidlash joizki, mazkur fermer xo‘jaligi viloyatdagi eng ilg‘or xo‘jaliklardan hisoblanib, har yili chigit erta bo‘y ko‘rsatadi. O‘tgan yilda paxta bo‘yicha yillik shartnoma rejasini 123 foizga bajargan. Shuningdek, xo‘jalikning 55 gektar yer maydonida bug‘doyning chillaki navi parvarishlanmoqda.

Foto: Rustambek Arabboyev