Angliya chempionatining 27-turidan o‘rin olgan uchrashuvda “Uotford” klubi safarda “Kardiff”ni 5:1 hisobida mag‘lub etdi.
Mazkur uchrashuvda “Uotford”ning ispaniyalik yarim himoyachisi Jerar Deulofeu raqib darvozasiga 3 ta to‘p kiritdi. Bu “Uotford” klubi uchun Angliya premyer ligasida 1986-yildan buyon ilk het-trik sifatida tarixga kirdi, deb xabar berdi Sky Sports. So‘nggi bor “Uotford” futbolchisi bundan 33 yil oldin milliy chempionatda het-trik qayd etgandi.
27-turdan so‘ng “Uotford” klubi 40 ochko to‘plagan holda musobaqa jadvalida 7-o‘ringa ko‘tarilib oldi. “Kardiff” hisobida esa 25 ochko mavjud va jamoa 17-pog‘onada bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)