Xitoylik multimillioner Chjen Datsin hamqishloqlariga 12 million yuan pul (1,7 million dollar) tarqatdi. Bu haqda Sputnik xabar berdi.
Oltmish yoshli millioner Sichuan provinsiyasida joylashgan o‘zi tug‘ilgan qishloq Dinsisyaoga borgan. U yerda mahalliy aholi bilan uchrashib, ularga sovg‘alar ulashgan.
Datsin 50 yoshdan oshgan kishilarga 9 million yuan naqd pul (1,3 million dollar), shuningdek, 3 millionlik maishiy texnika (443 ming dollar), jumladan, konditsioner, sovitgich va televizorlar tarqatgan. Qayd etilishicha, pul dastasining qalinligidan har birini qizil ip bilan o‘rashga to‘g‘ri kelgan. Har bir pul dastasida 2 mingdan (295 dollar) 6 ming yuangacha (886 dollar) bo‘lgan.
Shuningdek, mahalliy aholining 60 yoshdan oshgan kishilariga vertolyotda bepul sayohat tashkillashtirgan.
Chjen Datsin – Xinjiang Tiandi Group korporatsiyasining raisi. U kambag‘al oilada tug‘ilgan. 1985-yil Urumchi shahriga ko‘chgan va u yerda o‘z biznesiga asos solgan.
Izoh (0)