Parijda Sotheby‘s auksionida 1987-yilda ishlab chiqarilgan super retro Ferrari F40 LM avtomobili sotildi. Bu haqda Sputnik xabar qildi.

Foto: Sotheby’s

Ushbu savdolar har yili retro avtomobillar salon ko‘rgazmasida o‘tkaziladi.

Ushbu auksionga jami 90 ta lot qo‘yilgan. Ular ichida turli yillarda ishlab chiqarilgan Ferrari, Porsche, BMW, Bugatti avtomobillari bor.

Ferrari avtomobilining narxi 4,3 million yevro deb baholandi.

Ushbu superkar Michelotto kompaniyasi tomonidan loyihalashtirilgan. U 1995—1996-yillarda ikki marta mashhur “Le-Mana 24 soat” poygalarida qatnashdi. 1995-yilda Anderstorp 4 Hours poygasida g‘olib bo‘ldi.

Shu bilan birga, 1966-yilda ishlab chiqarilgan Ferrari 275 Gtb/6 C avtomobili 2,9 million yevro va Porsche 550 RS Spyder 2,7 million yevroga sotildi.