28-yanvar, dushanba kuni jahon futboli yulduzi Roberto Karlos O‘zbekistonga tashrif buyuradi. Shu kuni braziliyalik futbol afsonasi turli tadbirlarda ishtirok etadi. Bu haqda O‘FA matbuot xizmati xabar beradi.
Jumladan, soat 12:00 da yosh futbolchilar uchun O‘FA maydonida master-klass tashkil etiladi. Shundan so‘ng faxriy futbolchilar ishtirokida o‘rtoqlik o‘yini bo‘lib o‘tadi. Uchrashuv 10 daqiqadan 2 ta bo‘lim davom etadi. Roberto Karlos har ikkala jamoa tarkibida bitta bo‘limdan maydonda to‘p suradi.
Bundan tashqari braziliyalik futbolchi mehribonlik uyiga tashrif buyuradi va u yerdagi tarbiyalanuvchilar bilan uchrashadi.
Soat 16:00 da esa Milliy olimpiya qo‘mitasida Roberto Karlos bilan matbuot anjumani tashkil etiladi.
U Toshkentga kelishdan avval o‘zbekistonlik futbol muxlislariga salom yo‘lladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)