17-yanvar, payshanba kuni futbol bo‘yicha Ispaniya Kubogi nimchorak finalining so‘nggi bahslari bo‘lib o‘tdi.
Lionel Messi yetakchiligidagi “Barselona” klubi o‘z maydonida “Levante” jamoasini sinovdan o‘tkazdi. Kataloniyaliklar raqib darvozasiga javobsiz 3 ta to‘p kiritdi.
Bellashuvning 30—31-daqiqalarida Usmon Dembele 2 ta gol urib, dublga erishgan bo‘lsa (2:0), 54-daqiqaga kelib Leo Messi o‘z hisobiga bitta gol yozdirib qo‘ydi (3:0).
Shu tariqa “Barselona” “Levante” klubini yirik hisobda mag‘lubiyatga uchratdi va 1/4 final bosqichiga yo‘llanmani qo‘lga kiritdi.
Eslatib o‘tamiz, musobaqa 1/8 finali dastlabki o‘yinida Ernesto Valverde shogirdlari “Levante”ga 2:1 hisobida mag‘lub bo‘lgandi.
Ispaniya Kubogi
1/8 final bahslari
17-yanvar, payshanba
“Real Sosyedad”—“Betis” 2:2 (0:0)
Gollar: 0:1 – 37 Kanales, 1:1 – 40 Subeldia, 2:1 – 62 Merino, 2:2 – 70 Moron.“Espanyol”—“Vilyarreal” 3:1 (2:2)
Gollar: 1:0 – 34 Pyatti, 2:0 – 37 Iglesias, 2:1 – 42 Chukvueze, 3:1 – 74 Iglesias.“Barselona”—“Levante” 3:0 (1:2)
Gollar: 1:0 – 30 Dembele, 2:0 – 31 Dembele, 3:0 – 54 Messi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)