Afrika va Janubiy Amerika o‘rtasida sayyoradagi eng uzoq Tristan-da-Kunya orollari joylashgan. Bir nechta oroldan tashkil topgan bu arxipelagda mobil aloqa, internet, aeroport mavjud emas. Orollarga kema deyarli bormaydi, shuning uchun u yerga yetib borish juda qiyin, deb yozadi TravelAsk.

Tristan-da-Kunyaning asosiy orolida kichkina qishloq bo‘lib, unda 270 kishi yashaydi. Qishloq yetti dengiz Edinburgi deb ataladi. Bu yerda yashovchi mahalliy aholi kelib chiqishi bo‘yicha bir-biriga qarindosh, ular orolga XIX asrda kelib joylashgan dastlabki kishilarning avlodlari hisoblanadi. Orolda atigi to‘qqizta familiya ishlatiladi.