Samarqandning bankrot deb topilgan “SINO” sovutgich ishlab chiqarish zavodi investorlarga beriladi. Bu haqda prezident qarorida so‘z yuritiladi, deb yozadi Spot.

Foto: Spot

Kompaniya “nol” xarid qiymati bilan, biroq korxonani sog‘lomlashtirish uchun investitsiyalar kiritish va kreditorlardan qarzlarni to‘lash sharti bilan beriladi.

1973-yilda qurilgan zavod “Pamir”, “Snejinki”, “Samarkand”, “SINO” brendlari ostida mahsulot ishlab chiqargan. Bu sovutgichlar turli mamlakatlar, jumladan, Polsha va Afg‘onistonga eksport qilib kelinayotgan edi.

1991-yilda kompaniya aksiyadorlik jamiyatiga aylandi. 2003-yilda zavod grandni qo‘lga kiritib, u yangi agregatlarni yig‘ish imkonini berdi. 2009-yilda zavodda LG sovutgichlari ishlab chiqarila boshlandi.

2015-yilda 88,8 foiz aksiyalarni xorijiy investorga sotishga qaror qilindi. 2018-yilning avgustida Samarqand xo‘jalik sudi “SINO”ni bankrot deb topish to‘g‘risidagi arizani ko‘rib chiqishga kirishdi.