Ekstremal avtoturizm ishqibozlari Konstitutsiya kunini O‘zbekistonda ilk bor o‘tkazilayotgan aksiya bilan nishonladi. 8-dekabr kuni Toshkent viloyatining O‘rta Chirchiq tumanida avtomobillarda GPS-mo‘ljal olish bo‘yicha “Yo‘l instinkti” musobaqasi bo‘lib o‘tdi, deb yozadi “Novosti Uzbekistana”.

Foto: “Novosti Uzbekistana”

70 ga yaqin odam 20 ta avtomobilda ikkita kategoriya bo‘yicha g‘alaba uchun kurashdi. “Ekstra-yengil” nominatsiyasida istalgan mashinalar ishtirok etishi mumkin bo‘lgani holda, “Ekstremal sarguzasht” kategoriyasi faqat yo‘ltanlamaslarga mo‘ljallandi.

Musobaqa ishtirokchilari nazorat nuqtalarini topishi kerak bo‘lgan geografik koordinatalar oldi. Bu nuqtalar kutilmagan joylarda joylashgan, yo‘ltanlamaslar uchun esa murakkab marshrut o‘ylab chiqilgan edi.

Foto: “Novosti Uzbekistana”

“Ekstra-yengil” kategoriyasida “Lada Kalina” avtomobilidagi “Aviatorlar” jamoasi g‘olib bo‘ldi. “Ekstremal sarguzasht” kategoriyasida esa birinchi o‘rin “Lada 4x4” avtomobilidagi “Susanin” jamoasiga nasib qildi.