O‘zbekistonda ekoturizmni tashkil qilish uchun suv omborlari ochiladi, deb xabar beradi Turizmni rivojlantirish davlat qo‘mitasi.

Foto: Flickr

Bunda gap Qashqadaryo, Namangan, Samarqand, Andijon, Jizzax, Surxondaryo, Toshkent va Farg‘ona viloyatlari haqida bormoqda. Jami 18 ta suvda dam olish zonalarini tashkil qilish rejalashtirilmoqda.

Nizomga muvofiq, yuridik va jismoniy shaxslar yer maydonlarini elektron auksion orqali uzoq muddatli ijaraga olishi mumkin.

Avvalroq Fransiyaning turizm va rekreatsion zonalar yaratish sohasida faoliyat yurituvchi yetakchi kompaniyalarini “Chorvoq” erkin turistik zonasini yaratish doirasida amalga oshirilayotgan loyihalarga jalb qilish masalalarini muhokama qilingan edi. Fransiyaning turizm sohasidagi Orex Loisirs, Compagnie des Alpes, Geode, Egis, Epode va Patriarche kompaniyalaridan iborat konsorsiumi 21-noyabr Fransiya elchisi ishtirokida Toshkent viloyati hokimiyati bilan bitim imzoladi. Mazkur bitim Fransiya hukumati tomonidan “Chorvoq” erkin sayyohlik zonasini loyihalashtirish bo‘yicha mablag‘ ajratilganidan so‘ng imzolandi. Konsorsium ishchi guruhi hududni dastlabki o‘rganish ishlarini boshladi.