O‘zbekiston Prezidenti Shavkat Mirziyoyev futbol bo‘yicha Jahon Chempionati ochilish marosimida ishtirok etadi. Bu haqda Prezident matbuot kotibi Komil Allamjonov Facebook’dagi sahifasi orqali bayonot berdi.

Oldinroq Shavkat Mirziyoyev Jahon Chempionatining ochilish marosimida ishtirok etishi mumkinligi rasman tasdiqlanmagan ma’lumotlarga asoslangan holda xabar qilingan edi. Endilikda bu rasman tasdig‘ini topdi.

Aytilishicha, Shavkat Mirziyoyev Rossiya rahbari Vladimir Putinning taklifiga binoan futbol bo‘yicha Jahon Chempionatining ochilish marosimida ishtirok etish uchun 14-iyun kuni Moskva shahriga tashrif buyuradi.