Filippin prezidenti Rodrigo Duterte KXDR rahbari Kim Chen Inni barcha uchun ibrat bo‘la oladigan qahramon deb atadi. Bu haqda u Shimoliy Koreya yetakchisi denuklearizatsiya bo‘yicha kelishuvga rozi bo‘lganidan so‘ng bayonot berdi, deb xabar qiladi “RBK”.
Duterte Kim Chen In uning uchun chinakam ibrat namunasiga aylanganini, u bilan ko‘rishish imkoni tug‘ilsa, albatta tabriklashini ta’kidladi.
“U doimo jamiyat ko‘ziga yomon bola bo‘lib ko‘rinar edi. Ammo bitta yaxshi qadamdan so‘ng endilikda u barcha uchun qahramondir. U xushmuomala, xushchaqchaq va quvnoq yosh yigitga o‘xshayapti”, — ta’kidladi Duterte.
Izoh (0)