Toshkentda mashhur o‘zbek kinorejissori, 25-aprel kuni olamdan o‘tgan Shuhrat Abbosovning dafn marosimi bo‘lib o‘tdi. Voqea joyidan fotosuratlarni jurnalist va bloger Muhammad Ismoil taqdim etdi.
Bugun o‘zbek kino san’atining buyuk darg‘asi, buyuk inson, buyuk qalb egasi Shuhrat Abbosovni boqiy dunyoga kuzatdik. Shuhrat Abbosovdan bizga, bizning san’at mulkimizga, millatimizning ma’naviy hayotiga “Mahallada duv-duv gap”, “Olovli yillar”, “Otamdan qolgan dalalar”, “Sen yetim emassan” singari o‘nlab filmlar yodgor bo‘lib qoldi. Millionlab muxlislar qalbida Shuhrat Abbosovga ulkan ehtirom va muhabbat qoldi. Bugun Shuhrat Abbosovni Chig‘atoy qabristonida so‘nggi yo‘lga kuzatdik. Tengdosh do‘stlari bo‘lmish Odil Yoqubov, Pirimqul Qodirov, Erkin Vohidov, Abdulla Oripovlarning yonidan abadiy maskan topdi. Daho ijodkor Shuhrat Abbosov daholar yonida biz bilan xayrlashdi. Qabringiz nurga to‘lsin, Olloh taolo Sizga behishtu rizvonlardan joy ato etsin, qiyomat kuni so‘roqlar oson bo‘lsin! Barcha ulug‘larimizni xotirlab, ularning haqiga duoda bo‘laylik muhtaram FBdosh do‘stlar!Muhammad Ismoil
Izoh (0)