Video: Nursulton Nazarboyevning O‘zbekiston xalqiga Navro‘z tabrigi

Qozog‘iston prezidenti Nursulton Nazarboyev Navro‘z ayyomi munosabati bilan O‘zbekiston xalqiga bayram tabrigi yo‘lladi. Video Shavkat Mirziyoyevning Facebook’dagi sahifasida keltirildi.

Bugungi umumiy ulug‘ bayramimiz — Navro‘z ayyomi bilan butun O‘zbekiston xalqini muborakbod etaman. Navro‘z kunida Shavkat Miromonovichning taklifi bilan O‘zbekistonga keldim. Yaqinda Ostonada Markaziy Osiyo davlatlari rahbarlarining ilk maslahat uchrashuvini o‘tkazdik. O‘rta Osiyoning har bir prezidenti birga bo‘lishga, savdo-sotiqni, madaniyatni birga rivojlantirishga kelishdik. Alloh bizni qo‘llasin! O‘zbek bilan qozoq xalqining tarixi, tili, dini —  barchasi bir. Necha asrlardan beri bir saqlanib kelmoqda. Ota-bobolarimizning aytganlarini yodda tutib, birga bo‘lmog‘imiz kerak. Bugungi qiyin zamonda bir-birimizga ko‘makdosh bo‘lishimiz kerak.

Nursulton Nazarboyev, Qozog‘iston prezidenti