“O‘zstandart” agentligi tomonidan “Eksport mahsuloti markirovkasiga qo‘yiladigan tovar belgisi” davlat standarti ishlab chiqildi. Bu haqda Turizmni rivojlantirish davlat qo‘mitasi matbuot xizmati xabar bermoqda.

Foto: Uzbekistan Travel

Standart eksport qilinayotgan mahsulot markirovkasida Welcome to Uzbekistan tovar belgisi majburiy qo‘llanishi va Uzbekistan Travel portaliga havola berilishini ko‘zda tutadi.

Belgi qo‘yiladigan yuza mahsulotdan foydalanish muddati davomida belgining aniq-tiniq ko‘rinib turishini ta’minlashi lozim.

Standart xo‘jalik subyektlari tomonidan ishlab chiqariladigan mahsulotlarga tegishli. U eksport uchun tayyorlangan tovar haqida yaqqol tasavvur beradi.