“Chelsi” ikki yirik mag‘lubiyatdan keyin yirik g‘alabaga erishdi. O‘z pozitsiyasiga qaytgan Azardan dubl

Londonning “Chelsi” klubi Premyer-Liga 27-turini yakunlab berdi. O‘z maydonida “Vest Bromvich”ni qabul qilgan “aristokratlar” yirik g‘alabaga erishdi.

Antonio Konte jamoasi kutilmaganda ketma-ket ikki mag‘lubiyat qabul qilib olgandi. Avvaliga “Bornmut” Londondan 3:0 hisobidagi g‘alaba bilan qaytgan bo‘lsa, keyinroq “Uotford” o‘z maydonida “Chelsi”ni mahf qilgandi — 4:1. Mazkur ikki mag‘lubiyat ta’siridan chiqib ketish “Vest Bromvich”ga qarshi o‘yinda nasib qildi.

Hujumdagi muammolar sabab oldinroqda o‘ynashga majbur bo‘layotgan Eden Azar va nihoyat o‘z pozitsiyaga qaytib, kechagi bellashuvda 2 ta gol urishga erishdi. Mazkur g‘alaba “Chelsi”ni hamshahri “Tottenhem”dan oldinga o‘tkazib qo‘ydi.

Joze Mourinyo jamoasi “Nyukasl”dan mag‘lub bo‘ldi. Endi “Yunayted” va “Liverpul” raqobati yanada jiddiy

Angliya Premyer-Ligasi 27-tur bellashuvi 12-fevral, dushanba

“Chelsi” — “Vest Bromvich” 3:0