Stenfordlik shifokorlar immunoterapiyaning yangi turini yaratdi. Yangi ixtiro immun hujayralarni aniq joyda paydo bo‘lgan shishga “gijgijlaydi” va uni bir necha kunda yo‘q qiladi. Mutaxassislar uning ishini sichqonlarda sinab ko‘rdi. Bu haqda “RIA Novosti” xabar berdi.
Ma’lum qilinishicha, yangi immunoterapiya juda oddiy — olimlar turli antitela, tirik mikroblardan foydalangan holda odam immunitetini rak hujayralariga “gijgijlashga” urinmoqda. Hozirgi kunda bu kabi bir qator immunoterapiya turlari bo‘lib, ular sintetik antitelalar yordamida rak hujayralarini immun tizimi uchun “ko‘rinadigan” qiladi.