OCh U23’ning eng chiroyli goliga ikki o‘zbekistonlik da’vogar. Peshqadam esa vyetnamlik futbolchi bo‘lib turibdi

Xitoyda yakuniga yetgan 23 yoshgacha futbolchilar o‘rtasidagi Osiyo Chempionatining eng chiroyli goli muxlislar ovoziga ko‘ra aniqlanmoqda.

OFK rasmiy sayti buning uchun 10 ta eng sara golni tanlab olgan va uni muxlislar hukumiga havola qilgan. Gollar orasida ikki o‘zbekistonlik futbolchining aniq zarbalari ham bor. Aziz G‘aniyevning Janubiy Koreya darvozasiga urgan goli hamda Jasur Yaxshiboyevning Yaponiyaga urgan goli qit’a chempionatining eng chiroyli goli bo‘lishi mumkin.

Biroq peshqadam Nguyen Xai bo‘lib turibdi. Uning finalda O‘zbekiston darvozasiga jarima zarbasidan urgan goliga 6 mingdan ziyod vyetnamliklar ovoz berib ulgurdi.

Agar siz so‘rovnomada ishtirok etishni istasangiz, keltirilgan havola yordamida OFK saytidagi ovoz berishda qatnashishingiz mumkin.