Samsung kompaniyasi Galaxy S9 va S9+ flagmanlarini 25-fevral kuni MWC 2018 konferensiyasida taqdim etishi kutilmoqda. Gizmochina nashri ishonchli manbasiga tayanib, Galaxy S9 lineykadagi avvalgi smartfonlar ichida eng yuqori bahoda sotilishini ma’lum qildi, deb yozadi Hi-Tech Mail.Ru.

Foto: Hi-Tech Mail.Ru

Galaxy S9 va S9+ nima sababdan qimmat bo‘lishi mumkin?

Kuni kecha Galaxy S9 ga qurilmani blokdan chiqarish uchun yangi IntelligentScan (intellektual skanerlash) funksiyasi o‘rnatilishi ma’lum bo‘ldi. U yoritilganlik darajasi juda past yoki yuqori bo‘lgan sharoitlarda aniq ishlash uchun bir vaqtning o‘zida ham ko‘z to‘r pardasi skaneri va ham yuzni tanib olish tizimidan foydalanadi.

Shuningdek, yangi mish-mishlarga ko‘ra, Yevropada Galaxy S9 ikkita SIM-kartali versiyada chiqadi. Bundan tashqari, yangi flagman tashqi tomondan o‘z “ajdod”laridan ko‘p ham farq qilmasa-da, protsessor va kameralari jihatidan sezilarli yaxshilanishlarga uchraydi.