Xalqaro mehnat tashkiloti ishsizlik bo‘yicha hisobotni chop etdi. Unga ko‘ra, dunyodagi ishsizlar soni rekord ko‘rsatkich — 192,7 million kishiga yetgan, deb yozadi “RBK”.
2018-yilda global ishsizlik o‘tgan yilgi darajada qoladi. 2017-yilda dunyo bo‘yicha ishsizlik rekord ko‘rsatkichga yetib, 5,6 foiz yoki 192,7 million kishini tashkil etgan. 2016-yil bilan taqqoslaganda bu ko‘rsatkich 2,6 million kishiga oshgan.
Xalqaro mehnat tashkilotining taxmin qilishicha, 2019-yilda dunyo bo‘yicha ishsizlar soni 193,6 million kishiga yetadi. Shunga qaramasdan, yoshlar (25 yoshgacha bo‘lgan odamlar) orasida ishsizlik darajasi pasayadi. Hozirgi vaqtda bu ko‘rsatkich dunyo bo‘yicha 13 foizni tashkil etadi. Ekspertlar fikricha, bu jiddiy, global muammodir.
Izoh (0)