Futbol bo‘yicha Angliya chempionatida bugun 24-tur bellashuvlariga yakun yasaladi. Uelsda mehmon bo‘ladigan “Liverpul”da ayni paytda “Chelsi” bilan tenglashib olish imkoniyati bor.
Mazkur turda “Chelsi” ishonchli g‘alabaga erishdi — 4:0. Shu kuni londonliklarga Sesk Fabregas, Pedro, Alvaro Morata, Tibo Kurtua kabi yetakchilar yordam bera olmagan bo‘lsa-da, Villian hamda Eden Azar ularning yo‘qligini bilintirmadi.
Londonning boshqa bir klubi “Arsenal” ham mazkur turda 4 ta gol urib, muxlislarini xursand qildi. Nacho Monrealning o‘yinini alohida e’tirof etish mumkin. U 1 ta gol urib, 2 ta golli pas berdi. Bir necha turdan buyon gol urishni yodidan chiqarib qo‘yayotgan Aleksandr Lyakazett va nihoyat “qora kunlariga” barham berdi.
“Yunayted” mazkur turda “Byornli” maydonidan g‘alaba bilan qaytdi hamda ta’qibchilari bilan 3 ochkolik farqni saqlab qoldi. O‘zining so‘nggi o‘yinida liverpulliklardan yengilgan “Siti” esa “Nyukasl”ni taslim qildi.
Kuchli oltilik jamoalaridan faqatgina “Tottenhem” ochko yo‘qotdi. Harri Keyn “shporlar”ni mag‘lubiyatdan qutqarib qoldi. Ayni vaqtda hujumchi 21 ta gol bilan APL to‘purari bo‘lib turibdi. Muhammad Saloh hisobida 18 ta, mazkur turda xet-trik qayd etgan Serxio Agueroda 16 ta aniq zarba bor.
Angliya Premyer-Ligasi 24-tur bellashuvlari 20-yanvar, shanba
“Brayton” — “Chelsi” 0:4
Gollar: Eden Azar, 3 (0:1). Villian, 6 (0:2). Eden Azar, 77 (0:3). Viktor Mozes, 89 (0:4).“Everton” — “Vest Bromvich” 1:1
Gollar: Jey Rodriges, 7 (0:1). Baye Umar Nyass, 70 (1:1).“Stok Siti” — “Xaddersfild” 2:0
Gollar: Jo Allen, 53 (1:0). Mame Biram Diuf, 69 (2:0).“Lester” — “Uotford” 2:0
Gollar: Jeymi Vardi, 39 (1:0). Riyod Mahrez, 91+ (2:0).“Vest Hem” — “Bornmut” 1:1
Gollar: Rayan Freyzer, 72 (0:1). Xavyer Ernandes, 73 (1:1).“Byornli” — “Manchester Yunayted” 0:1
Gol: Antoni Marcyal, 54 (0:1).“Arsenal” — “Kristal Pelas” 4:1
Gollar: Nacho Monreal, 6 (1:0). Aleks Ivobi, 10 (2:0). Loran Koselni, 13 (3:0). Aleksandr Lyakazett, 22 (4:0). Luka Milivoyevich, 78 (4:1).“Manchester Siti” — “Nyukasl” 3:1
Gollar: Serxio Aguero, 34 (1:0). Serxio Aguero, 63-pen (2:0). Jeykob Merfi, 67 (2:1). Serxio Aguero, 83 (3:1).21-yanvar, yakshanba
“Sautgempton” — “Tottenhem” 1:1
Gollar: Davinson Sanches, 15-avt (1:0). Harri Keyn, 18 (1:1).22-yanvar, dushanba“Suonsi” — “Liverpul” 01:00
Izoh (0)