Toshkentda mashinaga o‘g‘rilikka tushgan shaxs qo‘lga olindi

Toshkentda mashinaga o‘g‘rilikka tushgan shaxs qo‘lga olindi, deb xabar beradi shahar IIBB.

Aytilishicha, 15-yanvar kuni soat taxminan 11:30 larda Abduraximov Sunnatilla Ibroxim o‘g‘li Shayxontohur tumani hududida fuqaro Anvarov Sherzod Asrarovichga tegishli Nexia avtomashinasi qarovsiz qoldirilganidan foydalanib, uning salonidan 574 ming so‘m va 200 dollar o‘g‘irlagan.

Holat yuzasidan JKning 169-moddasi 1-qismi (o‘g‘irlik, ya’ni o‘zganing mol-mulkini yashirin ravishda talon-toroj qilish) alomatlari bilan jinoyat ishi qo‘zg‘atilgan.

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.

Jabrlanuvchining anketa ma’lumotlari o‘zgartirilgan bo‘lib, familiyasi va ismining har qanday o‘xshashligi tasodifiy harakterga ega.