16-yanvar kuni soat taxminan 01:40 larda Toshkent shahar IIBB YHXB xodimlari tomonidan Kinologiya xizmat iti ishtirokida o‘tkazilgan tadbir davomida Chilonzor tumanida joylashgan “Erkin” YPX maskanida Nexia avtomashinasi to‘xtatilib, uning yo‘lovchisi — 1976-yilda tug‘ilgan Niyozov Sobirjon Tolibayevichning yonidan 2,11 gramm marixuana topildi. Bu haqda Toshkent shahar IIBB ma’lum qildi.
Holat yuzasidan JKning 276-moddasi 1-qismi (giyohvandlik vositalarini o‘tkazish maqsadini ko‘zlamay, qonunga xilof ravishda saqlash) alomatlari bilan jinoyat ish qo‘zg‘atildi.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
Izoh (0)